السلام عليكم ورحمة الله وبركاته
قليل من الفلسطينين من لا يعرف القصيدة الشعبية النادرة التي كتبها بالفحم على جدران زنزانته الثائر الفلسطيني (عوض) أحد أبطال المقاومة في ثورة 1936م ليلة كان ينتظر حُكمَ الإعدام في سجن عكا ويقول فيها:
يا ليل خَلِّي الأسير .... تايْكَمِّل نْواحو
رايِحْ يفيق الفَجِر .... ويْرَفْرِفِ جْناحو
تايِتْمَرجِحِ المَشْنوق .... مِن هَبِّةْ رْياحو
يا حيط وَقِّفْ تاقظّي كُلّ حسراتي
يمكن نسيت مين أنا ونسيت آهاتي
يا حيف كيف انقَضَتْ بايديك ساعاتي
شِمل الحابيب ضاع وتكسروا قداحوا
لاتظن دمعي خوف .... دمعي ع وطاني
ع كمشة زغاليل .... بالبيت جوعانة
مين راح يطْعمها .... من بعدي واخواني
اتنين قبلي شباب .... عَ المشنقة راحوا
بكره مرتي كيف .... رَحْ تقضي نهارها
ويلها عليّ أو.... ويلها ع صغارها
يا ريتني خليت .... في ايدها سوارها
يوم دعاني الحرب .... تااشتري سلاحو
تحياتي للجميع
اختكم
صبــــــا................
الإثنين فبراير 24, 2014 7:22 am من طرف مبدعي وسـوومي
